امبارح كان يوم مفهوش اي حاجة حلوة غير الراجل ده
خلاصت المحاضرة ١و نص وطلعت عشان اركب و أروح و أكتشفت أن اتوبيسات الحكومة عاملة اضراب
وطبعا الساعة ١و نص و الناس كلها عايزة تروح
و في وسط الزحمة دي محفظتي أتسرقت
و المشاريع كلها مليانة و محدش عارف يركب و يروح
يقوم الراجل الجميل ده اللي الfacebook كله اتريق عليه أيام غرق شوارع اسكندرية
يتصرف و يفكر في حل عشان المشكلة دي
بدأ يسأل البنات و الستات حيروحوا فين و يجمع اللي رايح منهم المندرة /٤٥ و هكذا و كان بيخلي مشاريع فاضية تيجي و تركب الناس و كان لما بيشوف بنت سايقة عربية يستأذنها تاخد بنات في سكتها وكذلك لما كان بيشوف عربيات ملاكي ولد اللي سايقها كان يركب ولاد معاه
حتي اتوبيسات نقل طلاب الشرطة و الكليات العسكرية كان بيركب فيها ناس
ده حتي اتوبيسات المدارس كان بيركب فيها ناس
كان رايح جاي يعدي شارع البحر عشان يتصرف في عربية واحدة حتي تقدر تاخد شخص واحد حتي
وكان بيوقف تاكسيات للناس وطلب من السواق انه يقلل الاجرة علي الناس
كلمة حق تقال ..رجل محترم ومخلص في شغله و دي كانت اقلل حاجة أقدر اعملها له
شكراً✋
0 التعليقات:
إرسال تعليق