النهاردة روحت مول العرب داخلة سبينس اشترى حاجة فرد الامن وقفنى على البوابة اللى قدام سبينس على طول انا وجوزى وقالى ممنوع دخول العبايات قولتله نعم قالى ممنوع دخول العبايات قولتله مين قال كده قالى ده قرار من مدير الامن قولتله فين مدير الامن ده قالى حضرتك تقدرى تروحيله مش عارفة فين كده مركزتش قولتله انا مش رايحة فى حتة كلمه هو يجى الولد كلمه وبعد ما قفل قال لزميتله شتمنى واستنينا البيه وطبعا كنت متنرفزة جدا ومحروق دمى وبعد شويه قولت لجوزى يالا ندخل ولما يجى يبقى يدور علينا براحته وفعلا دخلت وروحت جبت الحاجة اللى انا عايزاها وخرجت من سبينس روحت الفود كورت وشوفت سيدات كتير لابسين عبايات سوداء ونقاب كل واحدة اقف اسئلها حد كلمك وانتى داخلة تقولى لأ احكيلها اللى حصل معايا طبعا تضايق جدا وتقولى امال عايزنا نلبس ايه!!!!
المهم وانا خارجة عديت على بوابة رقم 23 اللى السيدات قالولى انهم دخلوا منها سألت البنت اللى واقفة هل فعلا فيه قرار بمنع دخول العبايات البنت قالتلى ايوه قرار لسه نازل قولتلها وده هيتنفذ ازاى قالتلى اللى لابسة عباية مش هتدخل واللى منقبة هشوف بطاقتها وهترفع النقاب اشوفها وده كلامها هى وكانت بتتكلم وهى خايفة من رد الفعل قولتلها انا اكلم مين هنا شاورتلى على واحد واقف بيتكلم فى التليفون قالتلى ده المشرف بتاعنا وقفنا معاه جوزى كلمه فرد قال احنا منقدرش نعمل حاجة ده قرار من الحكير ذات نفسه صاحب المول اللى هو اصلا سعودى!!!!!
جوزى قاله امال احنا لو مش فى دولة مسلمة هتعملوا ايه وهو يقدر ينفذ قرار زى ده فى السعودية وانت لو جالك واحدة لابسه مايوه هتدخلها عادى !!!!
وانا قولتله اكتبوا يافطة كبيرة زى بتاعت الاعلانات بره المول واكتبوا ممنوع دخول اللى لابسين عبايات وشوفوا رد الفعل.
دى صورتى باللبس اللى كنت رايحة بيه
الخلاصة من الرغى ده احنا ازاى وصلنا للسفالة دى وحريات ايه وهباب ايه اللى بتتكلموا عليها والله غضب ربنا هيبقى كبير وكله هيروح فى الرجلين
#مصر#عايزانا#نقلع#ياولاد#
#انا#كرهت#البلد#باللى#فيها#
#انا#عايزة#اهاجر#
******ملحوظة صغيرة هما خايفين ينفذوا القرار وافراد الامن ياعينى هما اللى هيتاخدوا فى الرجلين هياخدوا التهزيق كله حتى المشرف بنفسه قال كظه قال مدير المول بيشوفنا فى المشاكل وبيتفرج
0 التعليقات:
إرسال تعليق